نماذج ومساعدي الذكاء الاصطناعي صاروا كثير، وكل شوي يطلع لنا واحد جديد. عشان كذا في تيك فويس قلنا نجرب عنكم اللي نقدر عليه، ونقترح لكم أفضلهم.

جرّبنا عدد من بوتات الواتساب، وأكثر اثنين أعجبونا هم « Tab » و « Pally » .

📱 إيش يقدرون يسوون؟

تراسلهم على الواتساب، وتقدر تطلب منهم:

  • 🔎 يبحثون ويلخّصون لك بالمصادر.
  • 📞 يتصلون على الجهات ويخلّصون لك أمورك.
  • 🛒 يشترون ويحجزون لك أونلاين.
  • 📄 يسوّون ملفات PDF وعروض وجداول ومواقع.
  • 🎨 يصمّمون صور وفيديوهات وصوتيات.
  • ⏰ يذكّرونك بمواعيدك ويتابعون مهامك.
  • 📧 يرتّبون إيميلك وتقويمك.
  • 🎯 يدرّبونك على مقابلة أو يراجعون نصوصك.
  • 👥 يدخلون قروباتك ويساعدون اللي فيها.

وتخيّل، ممكن حتى يتصل عليك من نفسه عشان يعلّمك عن شيء أو خبر مهم!

في تجربتنا، Tab كان تفاعلي أكثر، لدرجة ممكن تحس إنك تكلم إنسان. وهو مجاني، وفيه اشتراك يعطي رسائلك أولوية عشان يرد عليك أسرع.

أما Pally فتفاعله أقل شوي، لكن ردوده أسرع، وهو ايضا مجاني.

🔐 طيب والخصوصية؟

الاثنين يقولون إنهم ما يبيعون بياناتك. لكن Pally ممكن يستخدم بياناتك لتدريب نماذجه، وتقدر توقف هذا الشيء بأنك تطلب منه أو من إعدادات حسابك.

ولو ودك تجربهم، Pally تقدر تبدأ بمراسلته، أما Tab فتسجّل رقمك وقد تحتاج تنتظر لين يفتحون لك.

رابط Tab : هــنــا
رابط Pally : هــنــا